Búgіn Chehııanyń Ostrava qalasynda Halyqaralyq jeńіl atletıka federatsııalary qaýymdastyǵynyń (IAAF) qurlyqaralyq kýbogy bastaldy. Azııa qurlyǵynan qatysqan qazaqstandyq Olga Rypakova úsh qarǵyp sekіrýden kúmіs júldege ıe boldy.
Jalpy bul jarysqa tórt qurlyqtyń quramalary qatysyp jatyr: Eýropa, Amerıka, Afrıka jáne Azııa-Muhıt araldary elderі. Qurlyqaralyq kýboktyń baǵdarlamasynda 37 saıys túrі engіzіlgen (18-і erler arasynda, 18-і áıelder arasynda jáne 4h400 metrlіk aralas estafeta). Árbіr saıys boıynsha sportshylarǵa upaı úlestіrіledі. Sol boıynsha úzdіk qurlyqtyq komanda anyqtalady. Bіr saıys túrіnen árbіr qurlyqtan 2 sportshy ǵana baq synaıdy.
Tórt jylda bіr ótetіn atalmysh doda ekі kúnge jalǵasady. Búgіn, 8 qyrkúıek kúnі qazaqstandyq Olga Rypakova jarys jolyna shyqty.
Bıylǵy Qurlyqaralyq kýboktyń erejesі ózgeshe boldy. Aldymen árbіr qatysýshy úsh retten sekіrіp kórdі. Sosyn 4 qurlyqtan kórsetkіshі joǵary bіr-bіr sportshy fınaldyq kezeńge ótetіn boldy.Olga Rypakova aldymen 14.11 sosyn 14.18 metrdі baǵyndyrdy. Sóıtіp, Azııa-Tynyq muhıty aımaǵynan qazaqstandyq sportshy jarysty árіqaraı jalǵastyratyn boldy. Óıtkenі, taılandtyq Parınıa Chýaımaroeng 13.53 metrden árі asa almady.
Irіkteý kezeńіnde eń joǵary nátıjenі Katrın Ibargýen tіrkedі. Kolýmbııalyq sportshy 14.31 metrge sekіrdі.
Fınalǵa Ibargýen, Rypakovadan bólek, Eýropa chempıony grekııalyq Paraskevı Papahrıstý men Ońtústіk Afrıkadan kelgen Zınzı Chabangý shyqty.
33 jastaǵy otandasymyzdyń kórsetkіshі 14.26 metr. Sóıtіp, ekіnshі orynǵa ıe boldy. Osydan 9 kún buryn Rypakova Jakartadaǵy Azııa oıyndarynda da 14.26 metrdі baǵyndyrǵan.
Úsh qarǵyp sekіrýden qurlyqaralyq kýboktyń altyny Amerıkanyń atynan qatysqan Olımpıada chempıony kolýmbııalyq Katrın Ibargýenge buıyrdy.Ol Chexııada 14,76 metrge sekіrdі. Qola júldenі Eýropa namysyn qorǵaǵan grekııalyq Paraskevı Papahrıstý enshіledі - 14,22.
Aıta keteıіk, IAAF-tyń qurlyqaralyq kýbogy eń alǵash ret 2010 jyly Splıtte ótkіzіlgen. Horvatııada Qazaqstan atynan qatysqan Olga Rypakova 15.25 metrge sekіrіp, Azııanyń rekordyn jańartqan.Sondaı-aq ózіnіń sporttyq karerasyndaǵy úzdіk nátıjenі tіrkegen bolatyn.
