Ғұсман Қосанов мемориалы жыл сайын Алматы қаласының орталық стадионында өтеді. Бұл турнир Дүниежүзілік жеңіл атлетика континенталдық тур (World Athletics Continental Tour) жарысының желілік күнтізбесіне кіреді және қола мәртебесіне ие. Бұл жарыстар 2023 жылы өтетін Әлем Чемпионаты мен 2024 жылғы Олимпиада Ойындарына іріктеу кезеңдерінің бірі болып табылады.
2023 жылдың 1-2 шілдесінде Ғұсман Қосановтың 32-ші мемориалы өтеді. Оған Өзбекстан, Қырғызстан, Тәжікстан, Әзірбайжан, Түркіменстан, Иран, Қытай, Жапония, Таиланд, Грузия, Үндістан және Қазақстан сияқты 12 елдің спортшылары қатысады. Жарысқа 222 спортшы қатысты.
Байқаудың жүлде қоры 25 000 АҚШ долларын құрайды және бағдарламаның барлық түрлері арасында бөлінеді.
Байқау бағдарламасына келесі спорт түрлері кіреді:
- 100, 200, 400, 800, 1500 және 5000 метрге жүгіру;
- 100, 110 және 400 метрге кедергілермен жүгіру;
- үш қарғып секіру, ұзындыққа секіру, биіктікке және сырықпен секіру;
- диск, найза, шарбалға лақтыру және ядро лақтыру;
- 4*100 және 4*400 метрлік эстафеталық жарыстар.
Сондай-ақ халықаралық турнир аясында балалар арасында 100 метрге жүгіру және 4*100 метрге эстафеталық жарыс өтеді. Бұл шаралар 1960 жылы Олимпиада ойындарында 100 метрге эстафеталық жарыста жүлде алған тұңғыш қазақ спортшысы ретінде спорт тарихына енген, аты аңызға айналған спортшы Ғұсман Қосановты еске алу бағдарламасына енгізілген.
1 шілде күні сағат 19:00-де орталық стадионда Ғұсман Қосановтың 32-ші мемориалының ашылуы болады. Стадионға кіру тегін.
