18–20 қыркүйек аралығында Шымкентте U16 және U18 жас санаттарындағы жасөспірімдер мен қыздар арасында жеңіл атлетикадан Қазақстан чемпионаты өтеді. Бәсекеге 18 өңірден 592 спортшы қатысады.
Балалар-жасөспірімдер спорт мектептері мен спорттағы дарынды балаларға арналған мектеп-интернаттар командалары арасындағы жарыста 2009–2010 және 2011–2012 жылдары туған атлеттер өнер көрсетеді.
U18 санатында 232, ал U16 санатында 360 қатысушы сынға түседі. Жарыстар Қажымұқан атындағы стадионда және №2 мамандандырылған балалар-жасөспірімдер олимпиада резерві спорт мектебінің базасында ұйымдастырылады.
Қазақстан жеңіл атлетика федерациясының бас серіктесі — «Самұрық-Қазына» АҚ, серіктес — туризм индустриясы мен спортты қолдау қоры «Sport Qory».
