Бүгін, 2024 жылғы 11 желтоқсанда "Qazaqstan" жеңіл атлетика спорт кешенінде Қазақстан жеңіл атлетика федерациясының есептік-сайлау конференциясы өтті. Іс-шараға Федерация конференциясының мүшелері, туризм және спорт министрі, спорт ардагерлері, Қазақстан Республикасы Ұлттық құрамасының бас жаттықтырушысы қатысты.
Отырыс аясында Федерация президентінің атқарылған жұмыстар туралы есебі қабылданды. Даниал Кенжетайұлының бастамасымен оның Федерация президенті ретіндегі өкілеттігі мерзімінен бұрын тоқтатылып, Олимпиада чемпионы – Ольга Рыпакованың кандидатурасы ұсынылды. Ольга Сергеевна Рыпакова- еліміздің белгілі спортшысы, Олимпиада чемпионы және ел тарихындағы ең атақты жеңіл атлеттердің бірі. Оның кандидатурасы бірауыздан қолдау тапты.
Конференция отырысына туризм және спорт министрі Ербол Қуантайұлы Мырзабосынов қатысып, Даниал Кенжетайұлына атқарған жұмыстары, инфрақұрылымдық жетістіктері, спортшылар ресурстарын дайындағаны үшін алғыс білдірді. Ербол Қуантайұлы Ольга Сергеевнаны сайлануымен құттықтап, елдегі жеңіл атлетиканың дамуы мен жаңа таланттарды дайындаудағы Федерацияның шешуші рөлін атап өтті
Сондай – ақ жаттықтырушылар мен ардагерлер атынан Қазақстан Республикасының еңбек сіңірген жаттықтырушысы-Елжанов Қуандық Ескермесұлы алғысын білдірді. Ол халықаралық жұмыста және байланыстарды дамытуда, сондай-ақ Қазақстан Федерациясының әлемдік аренада танылуында зор жетістіктерді атап өтті.
Отырыс соңында Федерацияның жаңа сайланған президенті-Ольга Рыпакова әріптестеріне көрсеткен сенімі үшін алғысын білдірді, жеңіл атлетиканың көркендеуіне барынша күш салатынын, Федерацияның алған бағытын ұстанатынын жеткізді. Сонымен қатар, көп жылғы қолдауы мен осы спортқа қосқан үлесі үшін Даниал Кенжетайұлына алғысын білдірді.
Қазақстан жеңіл атлетика ұжымы Даниал Кенжетайұлына Федерация президенті ретіндегі жемісті қызметі үшін шын жүректен алғысын білдіреді. Оның кәсіпқойлығы, адалдығы және жеңіл атлетикаға қосқан үлесі спортшылар мен жаттықтырушыларды жаңа биіктерге жетуге шабыттандырып, біздің спорт прогресінің ажырамас бөлігіне айналды.
Конференция Федерацияның жаңа бастамаларды іске асыруға және қазақстандық жеңіл атлетиканың халықаралық аренадағы позицияларын нығайтуға дайындығын растай отырып, оң нотада аяқталды.
