Аделина Земс 400 метрге кедергілер арқылы жүгіруден Азия ойындарының күміс жүлдесін иеленді. Қазақстандық спортшы финалда 54,58 секунд нәтиже көрсетіп, жеке рекордын жаңартты.
Қарағанды жеңіл атлетика мектебінің тәрбиеленушісі жарысты сәтті өткізіп, қашықтықтың соңғы бөлігінде қарқынын күшейтті. Нәтижесінде ол мәреге екінші болып жетіп, күміс медальға ие болды. Аделина Земс үшін 54,58 секунд — жаңа жеке рекорд. Бұл нәтиже Қазақстанның 400 метрге кедергілер арқылы жүгірудегі ұлттық рекордына да жақын. Ел рекорды Наталья Торшинаға тиесілі — 2000 жылы ол 54,50 секунд нәтиже көрсеткен.
Жарыс қорытындысы:
1. Мариям Карим (БАӘ) — 54,31, Азия ойындарының рекорды
2. Аделина Земс (Қазақстан) — 54,58, жеке рекорд
3. Витая Рамрадж (Үндістан) — 54,75, жеке рекорд
Қазақстан жеңіл атлетика федерациясының бас серіктесі — «Самұрық-Қазына» АҚ, серіктес — туризм индустриясы мен спортты қолдау қоры «Sport Qory».
Фото: Никита Басов
