Иван Иванов Орталық Азия чемпионатында ядро серпуден жеңіске жетті
Ташкентте өтіп жатқан жеңіл атлетикадан III Орталық Азия чемпионатында Иван Иванов ядро серпуден алтын жүлде алды. Қазақстандық спортшының нәтижесі — 19,35 метр.
Екінші орынды түрікменстандық Гурбанназар Какаджаев (15,79 м), үшінші орынды өзбекстандық Абдуазим Рахматуллаев (15,39 м) иеленді.
Ивановтың Ташкенттегі көрсеткіші — оның соңғы екі жылдағы үздік нәтижелерінің бірі. 2026 жылы ол бұдан жоғары нәтижені Мокпода өткен Азия чемпионатында көрсеткен.
Ядро серпу. Ерлер:
1. Иван Иванов (Қазақстан) — 19,35 м
2. Гурбанназар Какаджаев (Түрікменстан) — 15,79 м
3. Абдуазим Рахматуллаев (Өзбекстан) — 15,39 м
