Бүгінгі баспасөз конференциясында Altay Athletics клубының сақа спортшылары Надежда Дубовицкая мен Ольга Сафонова көптің назарына ілікті. Жиналғандарды олардың спорттық мансабы мен алдағы маусымға жоспарларынан бөлек, Голливуд жұлдыздары мен супермодельдерден аумайтынтыны таңқалдырды.
- Сұлулық дегеніміз - спорт. Диетаға, уақытылы ұйықтауға, су ішуге, физикалық белсенділік пен дәрумендерге сіз спорттағы сияқты басқа ешқай жерде жіті назар аудара алмайсыз. Әлбетте, бұл адамның сыртқы келбетіне де оң әсерін тигізеді, - дейді Надежда Дубовицкая.
Оның бұл сөзін Ольга Сафонова іліп әкетті. Айтуынша, жарыс жолына шықпас бұрын әрқашан шаш пен макияж жасатуға тырысады және бәсекелертері де солай істеп жатады. Демек, спортшының сыртқы келбеті - жарысқа сенімділік пен жеңіске деген жігер береді.
