Қашан: 2025 жылдың 25-ші қаңтары
Қайда: Qazaqstan жеңіл атлетика кешені, Астана
II Astana Indoor Meet for Amin Tuyakov Prizes – Астанадағы World Indoor Tour Gold турнирі сериясы ішіндегі ең айтулы жарыс.
2025 жылдың 25-ші қаңтарында Астана қаласы кезекті мәрте жеңіл атлетика үздіктері бас қосатын ортаға айналмақ. Азия құрлығында ең жоғары деңгейде өтетін Astana Indoor Meet for Amin Tuyakov Prizes бәсекесі биыл да талай мықтының жұлдызын жағары сөзсіз. Аталған ауқымды шара әлемнің тоғыз қаласын қамтитын World Athletics Indoor Tour Gold 2025 сериясын ашады. Ұйымдастырушылар мұны нағыз спорт мерекесі деп отыр. Аталған серияның финалдық кезеңі 28-ші ақпанда Мадрид қаласында өтеді.
II Astana Indoor Meet for Amin Tuyakov Prizes – әлемдік деңгейде бәсі жоғары саналатын сайыс. Мұнда қазіргі уақыттағы ең жүйрік желаяқтарды бір жерге топтайды, одан бөлек, Олимпиада чемпиондары да сөреге тізіледі. Әр жылы жаңа есімдер шығады. Турнирдің ерекше форматы мен жоғары деңгейде ұйымдастырылуының көрерменді молынан тартатыны жасырын емес. Талай рекорд тіркеліп, көпшілік жарқын жеңістің куәсі атанады.
Аталған шара спортсүйер қауым үшін айрықша әсер сыйлап қана қоймай, жеңіл атлетиканың тереңіне бойлаймын дегендерге серпіліс береді.
Жарыс бағдарламасы
Сайыста әйелдер жеңіл атлетика бәсекесінің жеті түрі бойынша (60 м, 60 метрді кедергілермен жүгіру, 400 м, 3000 м, биіктікке секіру, үш қарғып секіру, ядро лақтыру), ерлер алты түрінен (60 м, 60 метрді кедергілермен жүгіру, 400 м, 1500 м, биіктікке секіру, ұзындыққа секіру) өзара мықтыны анықтайды.
II Astana Indoor Meet for Amin Tuyakov Prizes бәсекесінде біршама танымал спортшы өнер көрсетеді.
Ерлер:
Andre De Grasse (Канада, 60 м): Олимпиада чемпионы, Әлем чемпионы, «Гауһар лигасы» кезеңдерінің көп дүркін жеңімпазы.
Kishane Thompson (Ямайка, 60 м): Париждегі Олимпиада ойындарының күміс жүлдегері, жабық кешендегі халықаралық жарыстардың дебютанты.
Alex Haydock-Wilson (Ұлыбритания, 400 м): Олимпиада ойындарының қола жүлдегері және Еуропа чемпионы.
Cornelious Tuwei (Кения, 1500 м): Әлемдік рейтинг көшбасшысы, тактика құрудың шебері.
Marquis Dendy (АҚШ,ұзындыққа секіру): Жабық кешендегі Әлем чемпионы.
Әйелдер:
Tina и Tia Clayton (Ямайка, 60 м): Жасөспірімдер арасындағы Әлем чемпионы және Олимпиада ойындарының финалисі.
Natasha Morrison (Ямайка, 60 м): Олимпиада чемпионы және әлемдік жарыстардың жүлдегері.
Sada Williams (Барбадос, 400 м): Екі дүркін Әлем чемпионы.
Hirut Meshesha (Эфиопия, 3000 м): Әлем чемпионатының қола жүлдегері.
Nia Ali (АҚШ, 60 метрді кедергілермен жүгіру): Үш дүркін Әлем чемпионы.
Chase Jackson (АҚШ, ядро лақтыру): жеңіл атлетиканың болашақ жұлдызы.
Баспасөз конференциясы
Qazaqstan жеңіл атлетика манежінде өтетін турнирге арналған баспасөз конференциясының уақыты мен орны туралы қосымша хабарланатын болады.
БАҚ өкілдерін аккредитациялау
Аккредитациядан өту үшін 2025 жылдың 22-ші қаңтарына дейін мына мекенжайға өтінім беруге болады: gulsezim.dos@gmail.com
Аккредитациядан өту үшін қажет құжаттар тізімі:
- Журналистің толық аты-жөні
- Жеке куәлігінің нөмірі
- Аккредитация түрі (журналист, фотограф, видеооператор)
- Бас редактордың қолы мен БАҚ мөрі
- Қызметтік куәліктің көшірмесі және аккредитациядан өтетін адамның фотосы
Осындай айрықша шараның бел ортасында жүріп, түрлі эмоция алғыңыз келсе, таңдаулы жеңіл атлеттер жарысынан шет қалмаңыздар!
