Марафондар мен жарыстар бүкіл Қазақстан бойынша және одан тысқары жерлерде өтіп жатыр. Әрбір осындай іс-шара жүгіру әуесқойлары үшін өзінің бірегей сын-тегеуріндерін әкеледі: бірде бұл тік көтерілу мен түсу, бірде - аптап ыстық. Алайда, Astana City Marathon қатысушыларға мүлдем басқа сынақтарды ұсынды, олар елордаға тән — суық, жел және қар.
Ауа-райының қолайсыздығына қарамастан, атмосфера энергияға толы болды. Старт берілмес бұрын марафоншылар жүгіруге бейімделу үшін белсенді түрде қыздырыну жаттығуларын жасап, қосыла би биледі. Толық марафондық (42 км 195 м) жарыстың басталуы 7:30-да, ал 10 км жүгіру 7:40-та басталды.
Биылғы жылы кәсіби спортшылар, әуесқойлар, түрлі ұйымдардың командалары және басқа елдердің өкілдері жарысқа шықты. Осы әр түрлі жүгірушілердің барлығы бір мақсатпен біріктірілді - жүгіруге деген сүйіспеншілік және жеңіске деген ұмтылыс.
Қатысушылардың көпшілігі “Бас Мешіт”, Бәйтерек, Жағалау, "Қазақстан-Астана" монументі сияқты Астананың басты көрікті жерлері арқылы салынған бірегей маршрутты; ұйымдастырушылар ғана емес, сонымен қатар Қазақстаннан және әлемнің 18 елінен 2000-нан астам қатысушылар жасаған атмосфераны жоғары бағалады.
Бұл марафонды біздің Федерация алғаш рет Қазақстан Республикасының Туризм және спорт министрлігі, "Самұрық-Қазына "ҰӘҚ" АҚ, "Sport Qory" спортты қолдау қоры, Астана қаласының әкімдігі, "Kazzink" ЖШС және Tassay сияқты серіктестер мен демеушілердің қолдауымен ұйымдастырды. Біз жаңа жобалар үшін берік негіз қалағанымызға сенімдіміз. Барлық қатысушыларға қолдау білдіргені үшін алғыс айтамыз!
Нәтижелер, фотосуреттер және сертификаттар https://www.greatstepperun.kz/ сайтында қол жетімді.
